عتابا ... وشرفو يا شباب/ بنات

كأس شعار العتابا والمحبين
...............
مسيت عالسمرة وكان الليـــل حــالك
ومن بين شفافها سألتني كيف حالك
قلتها ياسمرة لاتشوفي عليي حــالك
الحارة ضيقة ونحــن بنعرف بعضنا
..............
يارب جمّــع لا تفــرّق شملنا

ياسمرة ...ليش ماشفقتي لحالي
أنا اللي عم واجه هواكي لحالي
عا ظلمك يادني شابت لحا لـي
أرحميني بس من ساعة عذاب
..................
يارب جمّــع لا تفــرّق شملنا

ياجـورج السمر عليك شافوا حالن
وياريت يكـــــــون حالك من حالـن
حبابك الـ ماشفقوا عليك والله حلن
يمدوا خيوط الوصل لقلوب الحباب
.............
يارب جمّــع لا تفــرّق شملنا

_________________

ياريــــم السمر ناطرلك كرامــي
محبتك بالقلـب فيها عزة وكرامة
مثل مابسجل أهداف نادي الكرامي
أنا بسجل نقاط ع شعار العــتاب
...............
يارب جمّــع لا تفــرّق شملنا

شاعر وعم تسجل أهداف بـالكرامي
أنا شاعر مش شايفك بمرامي كرامي
وإن كان بالعتابا لك عــزة وكرامة
تعال ت خبرك عن ميدالياتي بالذهب
...............
ياحكم سجل بطاقات صفر ع شعارنا

من زمان ياحبـــاب عتابا ما كَتبنا
واليوم عن المحبة رح نملي كُتبنا
بشرب الكاس ياسمرة ما بقلك تبنا
الكاس كـ عيونك ومحبـتكم ياشباب
..........................
يارب جمّــــع لا تــفــرّق شملنا

هالموقع عتابا وميجانا وأهات ملي
وخلـي الحباب تقراها وما ت ملي
من خوابـي الخمر هالكاسات ملي
وقـــول محبتكم ياقرايب وياحباب
...............
يارب جمّــــع لا تـفـرّق شملنا

_________________

عتابا وميجانا قصايد بهالموقع تعبي
أنا شاعر عصري ومابحس تعب بي
إن صفيتوا كاساتكم من قلبي تَعبي
قلوبكم محبة وزيد خمرها بالشراب
................
يارب جمّــــع لا تـفـرّق شملنا

يا حادي العيس سلّم لي على حبابي
ومن أي درب اليجو لفتحلهم بابي
وحيـــاة يا عين حضارك وغيابـــي
من يوم رحلتوا لذيذ العيش ما طاب
...............
يا رب جمّـــع لا تفـــرّق شملنا

اتركتني ياللي حدود الوطن عديت
وأنا بصبري صبر أيـوب عديت
إذا أنت بالليل نجوم السماء عديت
أنا نجوم الظهر طلعتلي بعد الغياب
***
ياظالم بالحب لاتظلم الروح خلـها
عساها تحزن من بعد فراق خلـها
نظر الطبيب بعيوني وصحت خلها
المرض بالقلب شو بدك بالـهداب
***
ياحلوة بي وبهمـوم قلبي حسي
وعن هامتي طبـع الغـدرحسي
ومن همي رح صيح بعالي حسي
مظلوم وحبيبي مابعثلـي جواب
***
تعال ومـر علـى الحيوك مرة
وحياتي بعد فرقاك صارت مرة
تذكر يوم واعدتني وقلت مـرة
ما اترك ولو ساعة ببلاد الغياب
***
يا رب جمّـــع لا تفـــرّق شملنا

_________________